атом снаряды

(Атомный снаряд)

алысқа ататын ірі калибрлі зеңбіректерден атылатын снаряд. А.с-ның негізгі құрылысы зарядта тізбекті ядролық реакция туғызатын жарылғыш заттардан тұрады. А.с-ның күшін артиллерия снарядының ешқайсысымен теңестіруге болмайды. А.с.-ның жарылысы кезінде температура 35 млн градусқа, ал қысым 30—40 млд атмосфераға жетеді. Өте күшті радиоактивті сәуле бөлініп, әуеде соққы толқыны пайда болады, қоршаған орта зиянды өткіш радиациямен және радиоактивтік элементтермен уланады. Ядролық қопарылыстар әуеде, жерде, жер астында, су түбінде жасалуы мүмкін. Әуедегі ядролық қопарылыс — ядролық қопарылыстардың ішіндегі ең қауіптісі.